楊思琦黏土角仔睇得唔食得

賀年擺設層出不窮，連傳統年花及食品亦成為「改造」目標！楊思琦最近學習以麵粉黏土製造驚喜，她說：「我一向有買年花、桔仔既習慣，不過今年想搞D新意思，所以學用麵粉黏土，整D經典賀年座既擺設，慳地方又襟擺，一舉兩得！（會唔會送畀大家賀年？）等我做得靚D先啦！」
思琦雖然首度「出手」，但卻表現得頭頭是道，她說：「D製成品睇黎好複雜，其實只需要剪刀同鉗等基本工具，甚至徒手都整得到！另外，好多人以為隻手纖細會著數D，原來冇乜關係，老師話熟能生巧！」為迎接新歲，思琦還炮製全盒、桔仔及水仙花，希望猴年繼續行好運！